Një grua, nënë e dy fëmijëve u vra kur u godit nga rrufeja në plazhin Boquilla në Cartagena, Kolumbi.
Froilanis Maireth Rivas Román ra në tokë menjëherë sapo u godit nga rrufeja, raporton Daily Mail.
Në të njëjtën kohë, një dëshmitar okular ka regjistruar momentin e frikshëm. Gruaja 34-vjeçare është parë duke ecur përgjatë vijës bregdetare me pamjet që tregojnë një rrufe të madhe që e godet atë.
Pranë saj ishte një polic i cili duket i tronditur nga zhurma e rrufesë, por pa e parë gruan.
Një tjetër pushues bie në rërë i tronditur dhe më pas vrapon për të ndihmuar gruan që vdiq në vend nga goditja elektrike.
