Ajri Siberik ka depërtuar në rajonin tonë, në anën tjetër nga Atlantiku po afrohet vorbulla e re ciklonike e cila në kontakt me ajrin Siberik do të shkaktojë reshje të reja bore. Reshjet e borës në disa rajone kanë filluar por ato pritet që gradualisht të shtrihen në tërë rajonin. Në orët e mbrëmjes dhe natës reshjet do të përfshijnë tërë territorin e Republikës së Kosovës, Shqipërisë dhe Maqedonisë.
Reshjet më të dendura të borës priten në verilindje, lindje dhe julindje të Shqipërisë si dhe në perëndim dhe jugperëndim të Maqedonisë dhe në viset kodrinore-malore. Reshje bore do të ketë edhe në Kosovë ku priten përafërsisht nga 5 deri në 10 cm. borë e freskët. Përpara sistemit frontal ciklonik do të ketë ngritje të vogël të temperaturave por pas depërtimit të sistemit frontal temperaturat do të ulen përsëri dhe do të fillojnë përsëri të fryjnë erëra mjaft të ftohta veriore të cilat do të shtojnë dukshëm ndjeshmërinë subjektive të të ftohtit (Windchillin). Gjatë ditës së Martë në disa rajone kurse në mbrëmje dhe gjatë natës në të Mërkurën reshjet e borës do të ndërpriten dhe do të vazhdojë të depërtojë ajri i ftohtë Siberik.
Informacione tjera në postimet tona të ardhshme. /Meteoballkan.
