Pas një pauze të shkurtër reshjet atmosferike do të rikthehen përsëri në rajonin tonë. Pasi që kemi ajrin e ftohtë polare fillimisht reshjet gjatë natës së sontme mund të jenë në formë të fjollave lokale të borës, ndërsa gjatë ditës së nesërme priten rreze diellore, erëra jugperëndimore dhe ngritje e temperatruave. Në mbrëmjen e nesërme ose gjatë natës priten reshje të dendura shiu, bore e shqote, varësisht nga vendi, pozita gjeografike dhe lartësia mbidetare. Në Shqipëri rrebeshe shiu me vetëtima dhe bubullimë. Rebeshe mund të ketë edhe në Kosovë.
Në ultësirat e Dukagjinit dhe Anamoravës reshje të dendura shiu, ndërsa në viset tjera gjatë natës së nesërme (natën mes së premtes dhe së shtunës) reshjet mund të përzihen me shqotë ose borë.
Për fundjavë mot mjaft i ndryshueshëm, intervale kohore me diell, herë pas here shtim i vranësirave dhe reshje shiu. Temperaturat do të shënojnë ngritje të lehta. Në viset malore reshje bore./Meteoballkan