Gjatë natës në pjesën më të madhe të vendit do të ketë reshje shiu e në viset kodrinore-malore reshje shqote e bore. Herët në mëngjes ka gjasa që borë të ketë edhe në disa zona të ulëta në veri dhe lindje të Kosovës.
Nesër në Kosovë pritet të mbajë mot i vranët e me reshje shiu paradite. Nga mesdita pason kthjellimi i motit nga perëndimi në drejtim të lindjes. Ka gjasa për reshje bore në mëngjes në disa zona në lindje dhe veri të vendit dhe normalisht në viset kodrinore-malore bora është e sigurt. Pasdite kthjellim i motit në tërë vendin.
Temperaturat nga 0 minimalja deri në 10 gradë Celsius ajo maksimale.
Në Shqipëri nesër pritet të mbajë mot me diell në perëndim e me vranësira e diell në lindje. Nuk priten reshje atmosferike sikurse në Mal të Zi.
Reshje pritën në Maqedoninë Veriore dhe Luginë të Preshevës, në ultësira shi e pak më lart shqote e borë.
Mëngjesi i së mërkurës me acar për shkak të kthjellimit të motit, por jo acar shumë i fortë. Gjatë ditës menjëherë shtim i vranësirave, fillimisht në Shqipëri, pastaj edhe në Kosovë dhe Maqedoninë Veriore. Reshje të dendura shiu priten në Shqipëri pasdite, pastaj reshje lokale shiu depërtojnë edhe në shumë pjesë të Kosovës dhe Maqedonisë së Veriut./MeteoBallkan
