Sot në Kosovë pritet të mbajë mot mjaft i nxehtë veror dhe me zagushi, por pasdite vende-vende do të ketë shtim të vranësirave dhe zhvillim konvektiv të tyre. Si pasojë priten rrebeshe lokale shiu me vetëtima dhe bubullimë kryesisht viseve kodrinore-malore. Rrebeshe me bubullima priten kryesisht në jug e juglindje të Kosovës si dhe në veriperëndim, por lokalisht edhe në vise tjera. Nuk priten në të gjitha viset.
Temperaturat pritet të luhaten nga 14 deri në 34 gradë Celsius.
Në Shqipëri, Maqedoninë e Veriut, Luginë të Preshevës dhe Mal të Zi pritet të mbajë mot shumë i nxehtë por njëkohësisht pritet destabilizim i motit. Orëve të pasdite në shumë pjesë të Shqipërisë dhe Maqedonisë Veriore priten zhvillime të fuqishme konvektive dhe rrebeshe lokale shiu me vetëtima dhe bubullimë. Vende-vende mund të ketë edhe breshër. Freskim i motit pritet në zonat e zhvillime konvektive për shkak të erërave, reshjeve dhe vranësirave.
Vapa intensive verore do të vazhdojë edhe nga e enjtja e tutje përkundër rrebesheve e stuhive lokale.
Përpos të nxehtit vende- vende do të ketë zhvillime intensive konventive të cilat do të vazhdojnë të kushtëzojnë stuhi të izoluara shiu me vetëtima dhe bubullimë, por vetëm në disa rajone.
Të shtunën sipas të gjitha gjasave vjen freskimi i shumëpritur u motit me shumë vranësira ulje të temperaturave dhe rrebeshe e stuhi lokale shiu./MeteoBalkan
