Sot në Kosovë pritet të mbajë mot me diell e vranësira lokale dhe shumë i nxehtë veror. Pasdite pritet destabilizim i atmosferës ku si pasojë e zhvillimeve lokale konvektive priten rrebeshe lokale shiu me vetëtima dhe bubullimë. Ka mundësi që të ketë edhe breshër dhe erëra të fuqishme, por të gjitha do të jenë të karakterit lokal.
Temperaturat parashihet të lëvizin nga 16 deri në 35 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot me diell e në disa rajone priten vranësira lokale. Temperaturat do të vazhdojnë të jenë shumë të larta. Pasdite në pjesë të Maqedonisë së Veriut, Malit të Zi dhe disa vise në veri dhe lindje të Shqipërisë priten zhvillime të stuhive të izoluara të shiu me vetëtima, bubullimë dhe mundësi për breshër.
Në zonat e reshjeve dhe vranësirave do të ketë freskim të theksuar, por afatshkurtër.
Mot pothuajse i ngjashëm pritet të kemi edhe gjatë fundjavës. Periudha të gjata me diell dhe vapë edhe pse mund të kemi ulje të temperaturave. Pasditeve zhvillime konvektive të lokalizuara e në disa zona mund të jenë të fuqishme ku priten rrebeshe të izoluara shiu me vetëtima dhe bubullimë.
Pra, mot tipik veror, mjaft i nxehtë dhe me stuhi të izoluara verore./MeteoBallkan
