Të dielën në Kosovë pritet përmirësim i motit, por mbetet ende me vranësira dhe me mundësi për ndonjë rigë të dobët shiu. Gjatë dites ose pasdite më shumë intervale kohore me diell. Temperatura maksimale pritet të arrijë rreth 14 apo 15 gradë Celsius.
Në Shqipëri më ngrohtë. Priten vranësira e shumë intervale kohore me diell. Rrallë në disa zona mund të ketë ndonjë rrebesh të dobët shiu, ndërsa në jugperëndim të Greqisë priten rrebeshe intensive shiu.
Në Maqedoninë e Veriut, Mal të Zi dhe Luginë të Preshevës po ashtu stabilizim gradual i motit. Në mëngjes ende mund të ketë ndonjë rigë të dobët shiu në disa zona, ndërsa gjatë ditës me intervale kohore me diell.
Pak më ngrohtë do të jetë fillimi i javës së re, por përpos intervaleve kohore me diell vranësirat gjithnjë do të jenë vërdallë. Do të fillojnë të fryjnë erëra nga jugu dhe juglindja që do të ndikojnë në rritje të lehta të temperaturave.
Reshje të reja lokale shiu mund të kemi të martën e sidomos të mërkurën./MeteoBallkan
