Për shkak të kthjellimit të motit mëngjesi i hershëm do të jetë mjaft i ftohtë dhe temperaturat mund të ulen deri në 0 gradë Ceslius. Po ashtu në disa lugina do të ketë kushte edhe për mjegull.
Sot në Kosovë na pret mot kryesisht me diell, por edhe me vranësira të pakta lokale. Pas mëngjesit mjaft të ftohtë temperaturat ditore do të shënojnë rritje rapide dhe ajo maksimale pritet të arrijë deri në 17 apo 18 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi e hëna sjell mot me diell dhe me vranësira të cilat në disa zona mund të jenë paksa më të theksuara, por pa reshje atmosferike. Do të fillojnë të fryjnë erëra nga jugu dhe juglindja.
Nga e marta na pret mot relativisht i ngrohtë dhe përkundër rritjes së temperaturave do të kemi edhe vranësira të shpeshta lokale dhe kalimtare. Të Martën reshje krejtësisht të dobëta mund të ketë rrallë në disa zona në Maqedoni duke mos përjashtuar edhe ndonjë zonë në Shqipëri, ndërsa të mërkurën vranësira të shiut përfshijnë shumë pjesë të Shqipërisë me reshje dhe rrebeshe lokale shiu.
Reshje lokale shiu të mërkurën priten edhe në shumë vise të Kosovës dhe Maqedonisë së Veriut, por në shumë vise të Shqipërisë do të jenë dukshëm intensive./MeteoBallkan
