Sot në Kosovë do të mbajë mot i zymtë, me vranësira të ulëta dhe me mjegull e në viset malore me intervale kohore me diell dhe vranësira të pakta lokale. Në viset me mjegull do të mbajë mot i zymtë dhe i ftohtë. Në mesdite ka gjasa që mjegulla të dobësohet në disa rajone dhe të ketë intervale kohore me diell, por në përgjithësi vazhdon moti i zymtë.
Temperaturat pritet të lëvizin nga -2 minimalet deri në 6 gradë Celsius ato maksimale.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot me diell dhe vranësira lokale e në shumë zona do të ketë mjegull.
Në viset pa mjegull do të jetë sikur pranverë në pjesë të Shqipërisë
Të martën vranësira nga Mesdheu përfshijnë Shqipërinë dhe fillon ndryshimi i motit. Gradualisht do të fillojnë reshje lokale shiu, fillimisht të pakta dhe afatshkurtra, por pastaj në mbrëmje vijnë duke u intensifikuar.
Reshje lokale shiu pasdite vonë dhe në mbrëmje priten edhe pjesë të Kosovës e në viset malore do të ketë reshje shqote e bore. Mjegulla dhe vranësirat e ulëta do të zëvendësohen me vranësira të mirëfillta.
Vranësira dhe reshje lokale shiu priten edhe të mërkurën. Mjegulla do të duhej të shpërndahej nga të gjitha viset me ndonjë përjashtim të vogël. Të Enjten reshje shiu e mundësi edhe për reshje bore sidomos në disa rajone në Rrafshin e Kosovës./MeteoBallkan
