Sor në Kosovë pritet të kemi mot të ndryshueshëm. Në mëngjes ftohtë, pastaj gjatë ditës vranësira e intervale kohore me diell, por edhe erëra nga jugperëndimi të cilat nganjëherë mund të jenë mesatare deri të fuqishme.
Temperaturat herët në mëngjes pritet të zbresin deri në -2 gradë Celsius, por gjatë ditës ato rriten deri në 12 gradë Celsius. Në mbrëmje vonë reshje shiu, shqote e bore.
Në Shqipëri, Maqedoninë Veriore, Luginë të Preshevës dhe Mal të Zi e hëna pritet të kushtëzojë mot me vranësira e intervale kohore me diell. Reshjet do të jenë krejtësisht të pakta në disa zona të izoluara. Në mbrëmje vonë cikloni i ri vjen me vranësira të dendura dhe reshje shiu e bore. Në Shqipëri priten reshje të dendura shiu, ndërsa në malet e larta reshje bore. Në veri të Malit të Zi do të fillojnë reshje të dendura bore.
Mëngjesi i së martës në Kosovë pritet të jetë i ftohtë, me shi dhe lokalisht edhe me shqote e borë. Gjatë ditës do të kemi depërtimin e ajrit mjaft të ftohtë me origjinë polare dhe shiu do të shndërrohet në borë në shumë vise të Republikës së Kosovës. Do të fryjnë erëra mjaft të ftohta nga veriu. Në viset kodrinore-malore do të krijohen shtresa bore dhe mund të kemi shtresa bore edhe në disa ultësira të Rrafshit të Kosovës.
Mot me shi të martën pritet edhe në Shqipëri, Maqedoninë Veriore dhe Luginë të Preshevës, kurse në viset kodrinore-malore priten reshje bore. Në pjesën më të madhe të Malit të Zi do të ketë reshje të vazhdueshme të borës. Reshjet e borës mund të paraqiten edhe në disa zona të ulëta në lindje të Shqipërisë dhe pjesë të Maqedonisë së Veriut.
Të mërkurën stabilizim gradual i motit./MeteoBallkan
