Sot në Kosovë pritet të mbajë mot i vranët dhe relativisht i ftohtë, me reshje të pakta lokale shiu, shqote e bore. Reshjet do të jenë të pakta dhe të përqëndruara kryesisht rreth viseve malore, ndërsa viset tjera shumë pak reshje ose hiç fare.
Temperaturat pritet të lëvizin nga 1 deri në 12 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot kryesisht i vranët dhe relativisht i ftohtë. Reshje shiu priten në disa të Shqipërisë dhe Maqedonisë së Veriut, kurse në zonat kodrinore-malore priten reshje të herëpashershme shqote e bore.
Reshje më intensive bore priten në veri të Malit të Zi, pastaj pak a shumë në veriperëndim të Maqedonisë së Veriut dhe juglindje të Shqipërisë. Në viset tjera shumë pak reshje.
Mot i ngjashëm do të mbajë edhe të enjten. Reshje priten në disa zona në lindje dhe juglindje të Shqipërisë dhe perëndim të Maqedonisë së Veriut. Në viset tjera reshje simbolike.
Vranësira të shpeshta priten edhe nga e Premtja, por do të jetë kryesisht thatë. Rrallë në disa vise mund të ketë reshje atmosferike, ndërsa në pjesë të Shqipërisë priten më shumë intervale kohore me diell. Temperaturat do të shënojnë ulje të mëtutjeshme për shkak të erërave paksa të ftohta nga veriu e verilindja./MeteoBallkan
