Sot në Kosovë do të mbajë mot me shtim të vranësirave dhe reshje lokale bore, shqote e shiu. Mëngjesi do të jetë me acar, kurse dita me zbutje të acarit. Me ardhjen a vranësirave të reshjeve vende-vende do të ketë reshje bore në ato rajone ku ajri i ftohtë mund të mbetet për më shumë kohë, por pastaj në shumë vise do të ketë reshje shqote e shiu përpos viseve malore ku reshjet e borës pritet të zgjasin më shumë. Erërat do të fillojnë të fryjnë nga jugu e jugperëndimi.
Në Shqipëri, Maqedoninë e Veriut, Luginë të Preshevës dhe Mal të Zi pritet të ketë shtimë të vranësirave.
Në shumë vise në veri dhe lindje të Shqipërisë dhe perëndim të Maqedonisë së Veriut do të ketë reshje bore e shqote. Në viset tjera reshje kryesisht shiu. Reshje kalimtare bore e shqote mund të ketë edhe në shumë rajone tjera për shkak të kontaktit të reshjeve me mbetjet e acarit. Por në shumë shpejt ato kalojnë në reshje shiu përpos zonave kodrinore-malore.
Të shtunën pritet të mbajë mot i vranët dhe me reshje lokale, të herëpashershme shiu. Vende-vende priten reshje intensive. Pasdite vonë në veri të Kosovës do të fillojnë reshje bore, ndërsa në disa zona tjera të Kosovës do të ketë shi të akullt. Është e paqartë nëse ajri i ftohtë do të përfshijë pjesët tjera të vendit më në jug apo do të kthehet mbrapshtë nga sasi të reja ajri të ngrohtë me rrymime ajrore jugore që vjen nga Mesdheu.
Edhe dita e diel do të jetë e vranët dhe me reshje të herëpashershme, lokale shiu, ndërsa ajri i ftohtë polar do të shkojë në drejtim të Bosnjës dhe Hercegovinës, pjesës më të madhe të Serbisë, Kroacisë dhe Sllovenisë ku do të fillojnë reshje të dendura bore sidomos në Bosnjë dhe Hercegovinë. Dimër i madh në Ballkan ndërsa në viset tona ende ka paqartësi rreth kohës së saktë të depërtimit të ajrit të ftohtë me reshje bore./MeteoBallkan
