Të shtunën në Kosovë pritet të kemi mot me diell dhe vranësira lokale dhje rrallë në ndonjë zonë me ndonjë reshje të dobët shiu. Erërat jugperëndimore do të vazhdojnë me intensitet të ndryshueshëm, kurse gjatë natës apo mëngjesit të së dieles pritet të fillojnë reshje shiu në shumë rajone.
Temperatura maksimale do të arrijë deri në 19 apo 20 gradë Celsius.
Në Shqipëri, Maqedoninë e Veriut, Mal të Zi dhe Luginë e shtuna sjellë diell dhe vranësira lokale. Në disa vise të Shqipërisë dhe Malit të Zi nganjëherë priten riga kryesisht të dobëta, lokale shiu. Ndonjë rigë të dobët mund të ndodhë edhe në pjesë të Maqedonisë së Veriut dhe Luginës së Preshevës.
E diela dhe e hëna vinë me reshje të herëpashershme shiu dhe rrebeshe lokale me vetëtima dhe bubullimë. Në disa lokacione të Kosovës dhe Shqipërisë mund të ketë reshje të dendura shiu të përcjellura me vetëtima dhe bubullimë dhe po ashtu mund të ketë edhe breshër. Temperaturat do të shënojnë ulje./MeteoBallkan
