Pas Uraganit Dorian edhe Uragani Lorenzo ka arritur fuqinë maksimale dhe është shndërruar në uragan të kategorisë 5 me erëra shumë të fuqishme nga 250 deri 300km/h.
Për dallim nga “Dorian” i cili goditi direkt dhe shkatërrojë disa pjesë të Ishujve Bahamas, “Lorenzo” gjendet në Atlantikun Qendror largë tokes. Mirëpo “Lorenzo” tani po drejtohet në drejtim të Ishujve të Azoreve një shfaqje mjaft e rrallë dhe e pazakontë për këtë pjesë të globit. Gjatë rugëtimit të tij në drejtim të Azoreve Lorenzo pritet të dobësohet, megjithatë prapë do të mbetet një uragan i rrezikshëm dhe pritet të godas Azoret (që nuk janë larg Evropes) si uragan i kategorisë 2 me erëra të fuqishme rreth 150km/h.
Banoret e Azoreve po e presin me ankth dhe nën alarm ardhjen e uraganit Lorenzo. Pas kalimit të Azoreve “Lorenzo” do të hyjë në ujëra të ftohta dhe do të dobësohet si Stuhi Tropikale. “Lorenzo” si Stuhi Tropikale pritet të arrijë deri në Irlandë ku gjithashtu priten erëra të fuqishme dhe reshje të dendura shiu./Meteoballkan