Temperaturat kanë shënuar ulje në rajonin tonë në fillim të verës klimatologjike. Depërtimi i një mase mjaft të ftohtë ajrore këto ditë kushtëzoi reshje bore fillimisht në malet e Sllovenisë, Kroacisë, Bosnjës dhe Hercegovinës, veriut të Malit të Zi dhe sot pati reshje bore edhe në disa bjeshkë të larta të Kosovës dhe Maqedonisë së Veriut.
Reshje bore pati sot edhe në Kopaonik.
Në anen tjetër në Evropën perëndimore kanë depërtuar masa ajrore të ngrohta me origjinë nga Afrika veriore ku temperaturat maksimale në Francë sot kanë arritur deri 30 gradë Celsius. Nxehtë është sot edhe në jug të Spanjës, por pak më freskët se në Francë dhe Rusinë jugore. Më së nxehti sot është në Rusinë jugore ku temperaturat maksimale kanë arritur deri në 33- 34 gradë Celsius.
Nga nesër në Kosovë dhe rajon pritet përmirësim i motit, por netët mbeten mjaft të freskëta si dhe nuk priten rritje enorme të temperaturave ditore./Meteoballkan
