Reshjet e shiut që kanë filluar mbrëmjen e kaluar në Durrës dhe disa vise tjera bregdetare shqiptar janë akoma prezentë, të shoqëruara herë pas here me rrebeshe intensive shiu me vetëtima dhe bubullimë.
Rrebeshet e fuqishme të shiut kanë përmbytur dhjetëra shtëpi në zonat periferike të qytetit të Durrësit.
Gjendja më e rëndë paraqitet në zonën e Kënetes ku qyterarë kanë kërkuar ndihmën e autoriteteve, pasi rrezikojnë përmbytjen në banesat dhe shtëpitë e tyre. Sipas Fax News uji në banesa ka arritur deri në një metër, ndërsa reshjet e vazhdueshme të shiut kanë bllokuara katet e para. Ndërkohë disa banor theksojnë se hidrofori i Porto Romanos është jashtë funksionit./Meteoballkan
