Niveli i ujit në Venecia sot ishte 149 centimetra mbi nivelin e zakonshëm të detit dhe 70 përqind e rrugëve dhe shesheve të atij qyteti u përmbytën, njoftuan autoritetet e qytetit. Sheshi i Shën Markut në Venecia u evakua pasi uji në këtë pjesë arriti 156 cm mbi nivelin e detit.
Mediat italiane raportojnë se niveli e ujit po rritet me shpejtësi dhe pritet të arrijë në 160 cm. Situata është mjaft dramatike gjersa kjo pritet të jetë përmbytja më e madhe në afro 40 vjet në Venecia, njofton MeteoBallkan.
Kjo do të thotë se më shumë se 75 përqind e pjesës së tokës së qytetit është nën ujë dhe të gjitha shkollat ??në qytet sot janë mbyllur.
Sipas mediave, për shkak të kësaj situate, shërbimi publik i navigacionit në qytet është ndërprerë gjersa lidhjet me ishujt janë ende aktive.
Herën e fundit niveli i ujit në kanalet e Venecias ishte kaq i lartë në vitin 2012. /MeteoBallkan
