Sot rajoni ynë është i mbërthyer nga vranësira të dendura të cilat herë pas here dhe vende-vende po kushtëzojnë reshje shiu, kurse në Shqipëri dhe Maqedoninë Veriore ka pas edhe rrebeshe shiu me vetëtima dhe bubullimë.
Rreziku i breshrit ka kaluar tashmë sepse kemi depërtimin e masave ajrore të ftohta për këtë periudhë kohore. Edhe reshjet e shiut do të pushojnë edhe në ato rajone ku ende është duke ra sepse nga nesër mbi rajonin tonë do të vendoset një masë e thatë ajrore anticiklonike. Por, duhet theksuar se ende do të mbetemi nën ndikimin e masave të freskëta ajrore.
Të shtunën pritet stabilizim i mëtutjeshëm i motit dhe ngritje e temperaturave, ndërsa ditën e Festës së Bajramit (Të dielën) do të kemi mot të mirë paradite, kurse pasdite pritet të ketë shtim të vranësirave dhe reshje lokale shiu me mundësi edhe për vetëtima dhe bubullimë./Meteoballkan
