Sot më kërkesë të pilotit dhe me miratim të kontrollorit të trafikut ajror, aeroplani i kompanisë Chair në linjën Cyrih – Prishtinë bëri simbolin e zemrës në qiellin e Kosovës si shenjë përkrahjeje për vendin tonë në këto momente të vështira për gjithë në, si rrjedhojë e virusit Covid-19.
Këtë e ka bërë të ditur edhe Agjencia e Shërbimeve të Navigacionit Ajror – ASHNA, përmes një publikimi ku mes tjerash shkruan:
“ASHNA dhe personeli i saj, Kontrollorët e Trafikut Ajror, Inxhinierët e pajisjeve aeronautike, Meteorologët aeronautikë dhe Zyrtarët e Informacionit Aeronautik vazhdojnë në ofrojnë shërbimet e tyre për të mbajtur hapur të vetmen portë të Kosovës me botën.
Urojmë që së shpejti në njërin nga këta aeroplanë që po vijnë në Kosovë, të vijë edhe vaksina e ilaçet për të mposhtur këtë armik të padukshëm.”
Ministri në detyrë i ministrisë së Infrastrukturës dhe Ambientit, Lumir Abdixhiku, ka treguar se si u realizua një vijë ajrore me formën e zemrës në hapësirën ajrore të Kosovës.
Ai theksuar se piloti zviceran ka kërkuar leje nga autoritetet përkatëse të Kosovës për ta bërë një gjë të tillë.
Sipas tij, piloti zviceran donte ta inkurajonte Kosovën në betejën kundër Covid-19.
