Nxehtësia ekstreme tropikale e cila ka përfshirë Evropën perëndimore do të vazhdojë dhe kulmojë ditën e nesërme me temperatura ekstreme të larta mbi 40 Gradë celsius në lindje të Spanjës, jug-qendër të Francës etj. Nxehtësia ekstreme do të vazhdojë edhe në Gjermani, Zvicër, Benelux, Çeki, Poloni e deri në Britani dhe Danimarkë.
Rrymat ajrore nga Afrika Veriore së bashku me nxehtësinë ekstreme me vehte do të bartin edhe pluhurin nga Shkretëtira e Saharasë e cila do të arrijë përmes Spanjës, Francës dhe Gjermanisë deri në Britaninë e Madhe dhe Danimarkë.
Evropa nesër do të përballët me kulminacionin e nxehtësisë nga kjo valë e fuqishme e nxehtësisë tropikale dhe qytetarët janë këshilluar të kenë kujdes të jashtëzakonshëm ngase i nxehti mund të jetë potencialisht vdekjeprurës./Meteoballkan
