Masa mjaft të ngrohta ajrore kanë përfshirë Evropën dhe rajonin edhe pse ende jemi në muajin Shkurt i cili nganjëherë din të jetë një ndër muajt më të ashpër të dimrit.
Valë nxehtësie me origjinë nga Atlantiku dhe Afrika veriore kanë përfshirë shumicën e territorit të kontientit të Vjetër duke ngritur temperaturat deri në 22 gradë Celsius sot në Francë dhe Gjermani. 22 gradë C sot u regjistrua edhe në Ballkan dhe ky dimër përpos mesit të Shkurtit i cili pati një javë me acar të fortë përsëri mund të llogaritet si një ndër dimrat më të butë të viteve të fundit për rajonin tonë.
Komentet ironike të tipit “çudi po bie borë në Janar” e të ngjashme duket sikur natyre vet po i demanton sepse dimër ka qenë që nga Dhjetori, pastaj Janari dhe Shkurti, por borë kishte vetëm disa ditë, ndoshta mund të themi një javë ose 10 ditë më së shumti i nëse i mledhim të gjitha ditët së bashku. Normalisht dimër i vërtetë sivjet ishte vetëm në viset më të larta malore.
Sidoqoftë ky muaj do të përfundojë me një front të dobët të ftohtë ajror i cili do të ulë temperaturat, por nuk priten reshje atmosferike që do të vlente të përmenden.
Në fund të theksojmë se sipas ecurive aktuale sinoptike as në fillim të muajit Mars nuk pritet ndonjë goditje dimërore që do të sjellte reshje bore, megjithatë kjo nuk është definitive dhe do të ishte jo-reale të mos presim ndonjë ditë me borë gjatë tërë muajit Mars duke mos përjashtuar as Prillin./Meteoballkan
