Qendra e ciklonit sot po kalon mespërmes viseve kontinentale të Ballkanit, pikërisht në territorin e Serbisë, ndërsa stuhi të fuqishme parashihen në Ballkan, por edhe në territoret tona. Vende-vende priten rrebeshe mjaft intensive kët pasdite dhe mbrëmje.
Siç ndodhë rëndom me shirat e verës, reshjet nuk do të jenë të balancuara, pra përderisa një rajon goditet nga një rrebesh mjaft i fuqishëm, rajoni tjetër jo shumë larg mbetet me reshje më të dobëta dhe e tëra varet nga baza dhe rrugëtimi i reve të shiut. Megjithatë pasi kemi disa ditë nën ndikimin e ciklonit do të ketë gjasa të mira që çdo cep i territorit të përfitojë të paktën një valë reshjesh intensive, ndërsa territore të tëra mund të përfitojnë shumë herë radhazi.
Këto rrebeshe do të jenë jashtëzakonisht të mirëseardhura për zbutjen sadopak të thatësisë ekstreme.
Rrebeshe lokalisht të fuqishme priten sot në Shqipërië ,Maqedoninë Veriore, Kosovë, Mal të Zi dhe Kosoven Lindore, ndërsa në bregdet rrebeshet do të jenë më të rralla dhe priten edhe intervale të gjata kohore me diell./MeteoBallkan
