Vëllezërit binjakë 23-vjeçarë nga qyteti Karabük i Turqisë, që nga fëmijëria kanë ëndërruar të bëhen barinj të kafshëve të tyre, ndërsa me anë të projektit “Barinjtë e Rinj” të Ministrisë së Bujqësisë dhe Pylltarisë, ndiejnë lumturinë e realizimit të ëndrrave të tyre.
Edhe pse asnjëherë nuk kanë jetuar në fshat, vëllezërit Fatihhan dhe Emirhan Kapucuoğlu këtë profesion që e ëndërruan e realizuan pasi mblodhën të holla me anë të fotoaparatit që e kishin huazuar. Me të hollat e grumbulluara vëllezërit blenë 6 dele.
Binjakët gjithashtu me mbështetjen e shtetit blenë pula, me vezët e të cilëve mundoheshin të bëjnë tregti. Pasi përfunduan shkollën ata aplikuan te projekti “Barinjtë e Rinj” dhe arritën të blejnë 32 dele.
Kështu, binjakët realizuan ëndrrën për t’u bërë barinj, ndërsa universitetin vendosën që ta ndjekin në distancë. Ata u vendosën në fshatin e babait të tyre, ku filluan bagëtinë e deleve.
Më pas 32 delet që i siguruan nga shteti i rritën në 120. Tani ata edhe studiojnë edhe vrapojnë pas ëndrrave.
– “Ne që nga fëmijëria kishim ëndërr”
Fatihhan Kapucuoğlu, në deklaratën për Anadolu Agency (AA), tregoi se edhe pse familja e tyre e kanë kundërshtuar këtë vendim ata e kanë vazhduar.
“Ne që nga fëmijëria kishim ëndërr. Kur ishim në shkollën e mesme këtë ëndërr ia përcollëm familjes sonë. Fillimisht ata nuk aprovuan”, shpjegoi ai duke treguar se më pas kanë huazuar një fotoaparat, me të cilën më pas kanë filluar të fitojnë pare dhe e kanë blerë fotoapartin e tyre.
Ai tregon se kur mësuesit i kanë pyetur se “Çka do të bëhen?”, ata iu përgjigjeshin se dëshirojnë të bëhen “barinj”.
Pasi kanë vazhduar të fitojnë të holla me fotografim, ata kanë blerë 6 qengj. “Kështu filluam punën e bariut”, thotë ai.
Ndërsa vëllai i tij, Emirhan-i shpjegoi se gjithashtu gjatë udhëtimit të tyre e kanë shfrytëzuar projektin e Ministrisë së Bujqësisë dhe Pylltarisë për “Barinjtë e Rinj”, me të cilën kanë blerë 32 dele.
Ai tregon se tani kanë mbi 100 bagëti të imta.
“Falënderojmë familjen tonë që ishin pranë nesh qoftë financiarisht qoftë shpirtërisht. Tani jemi duke i mbledhur frutat. Shpresojmë të arrijmë në vende të mira”, tha Ermihan.
