Një ciklon i ri po kalon ditën e sotme nëpër Detin Tirren duke sjellë një periudhë të re të reshjeve të shiut për Italinë (rajonin e Kalabrisë) dhe jugperëndimit të Gadishullit Ballkanik ( Kroaci, Bosnjë, Mali i Zi, Shqipëri dhe Greqi) gjatë ditës së sotme. Kërcënimi do të vazhdojë deri në natën e së mërkurës, 28 Nëntor. Lokalisht, 150-200 mm shi pritet, gjë që mund të çojë në një kërcënim shtesë për përmbytje mbi terrenin tashmë shumë të ngopur.
Trendi aktual tregon një masë të lagësht ajrore që po lëviz nëpër Evropën qendrore dhe Mesdhe e cila do të transformohet në një sistem të presionit të ulët atmosferik apo ciklon në rrugën drejt Gadishullit Ballkanik.
Modele të ndryshme me rezolucion të lartë po nënkuptojnë përsëri reshje të shumta, të cilat do të rezultojnë nga reshjet konvektive dhe orografike. Pjesa më e madhe e reshjeve pritet në të gjithë rajonin e Kalabrisë në jug të Italisë dhe sidomos në të gjithë Malin e Zi, Shqipërinë dhe Greqinë perëndimore – të gjitha reshjet deri në natën e së mërkurës mund të arrijnë afërsisht 200 mm për 48 orë!
Përkundër fillimit të dobësimit të ciklonit dhe masës jostabile ajrore prapë se prapë disa stuhi do të sjellin reshje dhe erëra të fuqishme.
Burimi: Severe Wweather Europe
