Pas reshjeve simbolike të natës së kaluar që përfshinë shumë pjesë të Kosovë, gjatë mbrëmjes së sontme dhe sidomos gjatë ditës së premte priten reshje të reja bore në gati tërë territorin e Republikës së Kosovës.
Këto reshje do të vijnë si pasojë e depërtimit të ciklonit nga Deti Jon drejt Greqisë, Turqisë dhe Detit të Zi.
Duhet theksuar se nuk do të ketë reshje masive bore, por reshje “sa pët të kënaqur syrin” dhe plotësuar dëshirën e madhe të shumë intuziastëve të borës sidomos fëmijëve, megjithatë në shumë rajone të Kosovës pritet atmosferë dimërore dhe ulje e mëtutjeshme e temperatutave për shkak të erërave të ftohta veriore.
Reshje bore priten edhe në Dukagjin dhe vende-vende mund të ketë edhe shtresa simbolike.
Reshje bore priten edhe në veri të Shqipërisë, lindje, juglindje, verilindje dhe po ashtu lokalisht edhe në pjesët qendrore të vendit, pastaj në Luginën e Preshevës, veri të Malit të Zi dhe disa vise në Maqedoninë Veriore.
Gjatë fundjavës reshjet do të vijnë duke u lokalizuar, por do të vazhdojnë ende në shumë rajone të Kosovës në formë dëbore ku normalisht do të ketë shtresa simbolike në gati tërë territorin e Kosovës e në disa rajone shtresat e borës mund të arrijnë deri në 5 cm., ndërsa në disa zona kodrinore-malore shumë më shumë.
Gjatë javës së re do të kemi fronte të reja nga veriu dhe veriperëndimi që mund të kushtëzojnë vazhdimin e reshjeve të herëpashershme lokale të borës, por ende nuk shihet në horizont ndonjë ciklon që mund të sjellë dimër të vërtetë me borë të madhe./MeteoBallkan