Reshjet e para të borës për këtë vit kanë mbuluar rajonet e larta malore të Arabia Saudite, duke krijuar pamje të rralla dimërore që kanë tërhequr vëmendje të madhe në rrjetet sociale.
Borë është regjistruar në disa zona malore, veçanërisht në veriperëndim dhe jugperëndim të vendit, ku temperaturat kanë rënë ndjeshëm si pasojë e një vale ajri të ftohtë.
Snow blankets Jabal al-Lawz in Saudi Arabia's Tabuk with temperatures dropping to -4 degrees Celcius. pic.twitter.com/S97WnlHELo
— Al Arabiya English (@AlArabiya_Eng) December 18, 2025
Autoritetet meteorologjike kanë paralajmëruar për kushte të vështira në qarkullim, sidomos në zonat malore, ndërsa qytetarët janë këshilluar të tregojnë kujdes gjatë udhëtimeve. Ndërkohë, shumë vizitorë kanë shfrytëzuar rastin për të vizituar këto zona dhe për të përjetuar një fenomen të rrallë natyror.
Ky ndryshim i motit vjen si pjesë e luhatjeve sezonale dimërore që, edhe pse të rralla, herë pas here sjellin borë në rajonet më të larta të Arabisë Saudite.
