Tani qendra ciklonike nga Deti Jon është duke rrugëtuar në drejtim të Greqisë dhe Turqisë dhe si pasojë në rajonin tonë dë të fillojë deprëtimi i ajrit të ftohtë siberik.
Gjithashtu në mbrëmje do të kemi edhe fillimin e erërave të ftohta veriore. Erërat nuk do të jenë shumë të fuqishme prandaj për ata që i frikësohen erës nuk ka kurrfarë nevoje për shqetësim. Erërat do të jenë të ftohta dhe do të ndikojnë në ulje të ndjeshme të temperaturave. Reshjet e borës do të jenë lokale dhe të herëpashershme. Nuk priten reshje të mëdha të dëborës.
Erërat e ftohta veriore dhe temperaturat Siberike do të vazhdojnë të depërtojnë gjatë natës dhe nesër. Pra, nesër na pret një ditë mjaft e ftohtë dhe me reshje lokale bore. Reshjet e borës nuk do të jenë gjithëpërfshirëse dhe do të jenë kryesisht të dobëta. Temperaturat do të shënojnë ulje të mëtutjeshme nesër në mbrëmje posaqërisht nëse do të kemi kthjellim eventual të motit. Për këtë dhe informacione tjera në postimet tona të ardhshme në meteoballkan.com./Meteoballkan
