Nesër në Kosovë, Shqipëri dhe Maqedoni do të mbajë mot kryesisht me diell dhe mjaft i nxehtë. Temperaturat do të arrijnë 30 gradë celsius kurse në shumë rajone (Shqipëri dhe Maqedoni) edhe do të tejkalojnë 30 shin.
Pas kalimit të ciklonit tani përsëri do të jemi nën ndikimin e masave ajrore stabile anticiklonike që vijnë Evropa si dhe masave ajrore të nxehta që vijnë nga Afrika Veriore.
Të Premtën do të mbajë poashtu mot i nxehtë dhe stabil në shumicën e territoreve të vendeve tona kurse pasdite në disa rajone të Kosovës mund të ketë zhvillim vranësirash të cilat mund të sjellin rrebeshe të izoluara shiu.
Edhe për fundjavë sipas ecurive aktuale mbi rajonin tonë pritet të mbajë mot stabil dhe i nxehtë me ndonjë mundësi minimale për ndonjë rrebesh të izoluar shiu, ndryshe nga ne Ballkani verior dhe veriperëndimor si Sllovenia, Kroacia, Bosnja dhe Hercegovina dhe deri dikund edhe Serbia në fundjavë do të goditën nga stuhi të fuqishme me vetëtima, bubullimë, erëra të fuqishme dhe breshër, të reshura këto që do të mund të shkaktojnë edhe vërshime.
