Gjatë fundit të Tetorit dhe fillimit të Nëntorit kishim një çarje në Rethin Polar dhe në këtë mënyrë një sasi e ajrit shumë të ftohtë polar arriti të largohet nga rrethi vicioz polar. Mirëpo kjo sasi e ajrit të ftohtë iku në drejtim të Kanadasë dhe Shteteve të Bashkuara të Amerikës dhe për këtë arsye atje ka filluar dimri i hershëm.
Tani kemi stabilizim të plotë rrethin polar i cili është sikur një ciklon me sasi të madhe të ajrit të akullt. Për këtë arsye është ngrohtë në Evropë dhe te ne, normalisht me përjashtim të viseve kodrinore-malore ku ka edhe reshje të fuqishme bore në Alpe. Gjatë muajve të dimrit ndodhë çarja e rrethit polar dhe ajri i ftohtë arrin të largohet duke u shtrirë në hapësira të gjera dhe të ndryshme gjeografike, duke arritur edhe nëpër ultësira dhe për këtë arsye kemi reshjet e bores nëpër ultësira. Ka shumë dimra gjatë të cilëve rrethi polar nuk çahet fare ose në mënyrë simbolike dhe ata dimra janë të butë.
Mirëpo trendet më të fundit meteorologjike indikojnë se gjatë Dhjetorit dhe Janarit do të ndodhë ngrohja e stratosferës dhe si pasojë do të vije deri te çarja e rrethit polar dhe në këtë mënyrë ajri i ftohtë do të shpërndahet dhe do të ketë dimër të vërtetë, megjithatë kjo mbetet të shihet sepse për këtë duhet shumë “kocka të përputhen”.
Fundi i Nëntorit dhe fillimi i Dhjetorit do të jenë mjaft interesant të shihet se në çfarë drejtimi do të shkojnë trendet e modeleve.