Reshjet jashtëzakonisht të mëdha të shiut që kanë përfshirë Evropën Qendrore kanë shkaktuar përmbytje vdekjeprurëse në rajon, me katër vdekje të reja të raportuara të hënën në Poloni, tre në Republikën Çeke dhe një në Rumani.
Përmbytjet kanë përfshirë pjesë të Austrisë, Republikës Çeke, Polonisë dhe Rumanisë pasi një sistem me presion të ulët që kalon rajonin ka lëshuar shira rekord prej ditësh dhe pritet të prekë Sllovakinë dhe Hungarinë më vonë gjatë javës. Deri më tani janë raportuar 16 të viktima- shtatë në Rumani, pesë në Poloni, tre në Republikën Çeke dhe një në Austri.
Në Poloni, kryeministri Donald Tusk mbajti një takim urgjent dhe më vonë shpalli gjendje emergjente në zonat e përmbytura, një masë e qeverisë për të lehtësuar evakuimin dhe shpëtimin. Ai tha gjithashtu se qeveria do të sigurojë 260 milionë dollarë në pagesa të menjëhershme për viktimat.
