Temperaturat do të fillojnë të rriten gjatë ditës së shtunë pas mëngjeseve mjaft të ftohta dhe këtë do të ndihmojë ndryshimi i rrymimeve ajrore.
Erërat veriore do të ndalet dhe do të fillojnë ato jugore dhe jugperëndimore të cilat do të ndikojnë në rritjen e temperaturave. Normalisht nuk pritet ndonjë nxehtësi që vlenë të përmendet, por termometri do të shënojë përsëri temperatura mbi 20 gradë Celsius.
Në viset mesdhetare të Shqipërisë temperaturat pritet të shkojnë mbi 25 gradë Celsius duke u afruar te shifra 30 ndonjë ditë, por reshje të reja shiu priten nga një ciklon i ri i cili pritet të arrijë gjatë javës së re. Në viset tona kontinentale temperatura maksimale pritet të arirjë deri në 22-23 gradë Celsius e në ndonjë rajon mund të shkojë edhe në ndonjë gradë më lartë./MeteoBallkan
