Një person ka humbur jetën nga përmbytjet në Kamnik në veri të Sllovenisë, raportojnë mediat atje.
Mëngjesin e sotëm policia ka njoftuar se trupi i një banori vendas është gjetur para një shtëpie në zonën e Kamnikut, i cili nuk ka mundur të shkojë në vendngjarje për shkak të vërshimeve.
Shiu i dendur shkaktoi përmbytje të mëdha në pjesën perëndimore, veriore dhe pjesë të Sllovenisë qendrore, ndërsa Agjencia e Mjedisit (ARSO) e ngriti alarmin në nivelin më të lartë për shkak se priten më shumë reshje dhe përmbytje.
Të dhënat e ARSO tregojnë se në pjesë të Sllovenisë veriore, veriperëndimore dhe qendrore kanë rënë mbi 100 milimetra shi brenda 24 orëve, që është sasia mesatare mujore e reshjeve.
Sipas parashikimit, reshjet e shiut pritet të vazhdojnë edhe ditën e shtunë, ndërsa për ato pjesë të vendit është shpallur alarm i kuq, pasi në disa pjesë tashmë lumenjtë kanë dalë shtrati.
