Masat ajrore ciklonike nga Mesdheu po mbretërojnë në rajonin tonë duke sjell vranësira të dendura dhe reshje atmosferike, kryesisht të shiut, por nëpër male reshje bore. Në disa rajone bora ka depërtuar deri në ultësirë siç ishte rasti me Podujevën sot në mëngjes.
Në disa vise në Shqipëri veç kanë filluar përmbytjet lokale. Reshjet do të vazhdojnë edhe ditëve të ardhshme, normalisht me ndërprerje të herëpashershme. Vende – vende priten reshje intensive shiu e bore dhe si pasojë mund të ketë edhe përmbytje të reja sidomos në Shqipëri dhe rajonin e Dukagjinit në Kosovë, lokalisht edhe në disa vise tjera.
Sipas ecurive më të fundit sinoptike mbrëmjen e së shtunës në Kosovë do të fillojnë reshje të dendura bore të cilat do të na dhurojnë pamje fantastike, ndërsa reshje bore priten edhe të dielën, por sipas disa versioneve të modeleve të dielën mund të ketë ngritje të temperaturave të dhe pastaj bora do të shndërrohej në shi, pastaj nga shiu në borë përsëri të hënën. Sidoqoftë siç kemi theksuar shumë herë rajoni i Kosovës do të jetë në ballë të fushëbetejës mes temperaturave të ulëta nga veriu dhe të larta nga jugu dhe për këtë arsye priten reshje shiu, bore, shqote, shi të akullt etj. dhe kjo betejë mes temperaturave na bën të pamundur parashikimin 100 për qind të saktë gjatë ditës së diel dhe të hënë nga sot, por me rëndësi do të kemi edhe reshjet e shumëpritura të borës përtë cilat ende nuk mund të themi asgjë nëse do të jenë të qëndrueshme apo jo./Meteoballkan