Sistemi i ri frontal po afrohet nga perëndimi i Kontinentit dhe do të na sjellë reshje të reja shiu në Kosovë, Shqipëri, Mal të Zi dhe Maqedoninë Veriore. Reshjet së pari do të fillojnë në Shqipëri dhe Dukagjin ku vende-vende priten reshje intensive shiu, ndërsa gradualisht gjatë pasdites dhe natës do të përfshijnë tërë territorin.
Po ashtu në tërë rajonin kemi edhe erëra vende-vende të fuqishme nga jugu, ndërsa me ardhjen e shiut erërat do të fillojnë të dobësohen gradualisht. Në lindje të Kosovës dhe shumë vise të Maqedonisë së Veriut sot nuk priten reshje sepse ato do vijnë me vonesë gjatë natës dhe mëngjesin e nesërm. Në malet e larta priten reshje bore.
Gjatë ditës së nesërme reshjet do të pushojnë gradualisht, por do të rifillojnë erëra vende-vende të fuqishme, kësaj radhe nga jugperëndimi. Gjatë natës së ndërrimit të mot- moteve në Kosovë pritet mot më pak i qetë dhe kryesisht i thatë. Edhe në Shqipëri do të jetë më qetë, por vende-vende do të ketë vranësira dhe riga kryesisht të dobëta lokale shiu./Meteoballkan