Cikloni i fuqishëm i cili nga dita e shtunë po ndikon në motin mbi rajonin tonë, lokalisht ka sjellë 150 e më shumë mm shi për m2 në viset malore dhe në bregdetin e Adriatikut të Gadishullit Ballkanik. Sasia më e madhe e shiut ishte në perëndim dhe më pak në Slloveni, e cila ende po pret një ciklon që do të sjellë më shumë se 20 mm shi në m2.
Dhe përderisa një qendër ciklonike ka rrugëtuar në drejtim të të Serbisë veriore, një qendër e re ciklonike nga Mesdheu do të vendoset në jug të Adriatikut duke sjellë reshje të reja shiu.
Përgjatë fuqizimit të ciklonit në rrugën kah Adriatiku jugor njëkohësisht në veri të Evropës do të kemi fuqizimin e anticiklonit i cili do të ndryshojë rrugëtimin e rrymave ajrore. Si pasojë do të ndalen erërat jugore dhe do të fillojnë të fryjnë erëra të ftohta nga ana e veriut të cilat do të shkaktojnë ulje të konsiderueshme të temperaturave.
Kjo vorbull e re ciklonike e vendosur në jug të Adriatikut do të jetë përgjegjëse për intensifikimin e reshjeve të shiut në Shqipëri, Kosovë dhe Maqedoni të martën. Pastaj nga e mërkura erërat e ftohta nga veriu do të ulin temperaturat në rajonin tonë duke sjellë edhe reshje të herë pas hershme bore në Kosovë. Reshjet më të theksuara të borës do të jenë në viset malore dhe në verilindje të Kosovës. Edhe pjesët tjera të vendit tonë do të kenë reshje simbolike bore.
Informacione më të detajuara në mbrëmje vetëm në meteoballkan.com
