Masa të ftohta ajrore me origjinë polare kanë përfshirë rajonin tonë pas depërtimit dhe “ikjes” së ciklonit të fuqishëm mesdhetar i cili na sjelli reshje të dendura atmosferike. Sonte gjatë natës temperaturat pritet të ulën por nuk pritet asgjë esktreme dhe e tërë situata është brenda suazave normale për këtë periudhë kohore. Temperaturat minimale gjatë natës së sontme pritet të variojnë nga minus 4 deri në minus 11 gradë celsius, kurse në viset më të larta malore do të jetë edhe më ftohtë.
Normalisht, kjo nuk vlenë për viset bregdetare, por fjalën e kemi për pjesën kontinentale të tajonit tonë.
Pas ikjes së Ciklonit nuk do të kemi krijimin e një anticikloni i cili do të mund të mbante ajrin e ftohtë të ngujuar në rajonin tonë, por nga Atlantiku në drejtim të rajonit tonë do të fillojnë të depërtojnë masa të reja jostabile ajrore të cilat do të shkaktojnë destabilizimin e motit në Detin Adriatik dhe në këtë mënyrë në drejtim të rajonit tonë nga e diela apo e hëna do të fillojnë të depërtojnë masa më të nxehta ajrore nga Mesdheu. Pra, acari nuk do të jetë i qëndrueshëm dhe bora do të fillojë të shkrihet posaqërisht nëpër ultësira. Bora nuk do të shkrihet shumë në viset kodrinore – malore. Në foto poshtë kemi temperaturat minimale për sonte sipas modelit amerikan GFS dhe këtu mund të orietoheni përafërsisht për temperaturat në rajonin tuaj.
