Një valë e re reshjesh shiu do të përfshijë sot pasdite pjesën më të madhe të rajonit, por asgjë ekstreme. Në Shqipëri priten rrebeshe lokale shiu me vetëtima dhe bubullimë, vende-vende mjaft intensive dhe me breshër. Në Kosovë priten reshje të zakonshme shiu vende-vende pak më intensive.
Reshje shumë të fuqishme shiu herë pas here priten në Mal të Zi, ndërsa edhe në Maqedoninë e Veriut reshje normale.
Nesër do të kemi një përmirësim nëse mund ta quajmë afatshkurtër të motit dhe ngritje e temperaturave për shkak të intervaleve kohore me diell që priten dhe erëra të forta jugore. Pasdite dhe në mbrëmje reshjet e shiut rikthehen përsëri, kësaj radhe edhe më të dendura apo intensive në Kosovë sidomos në jugperëndim dhe perëndim të Republikës së Kosovës. Reshjet e shiut së bashku me shkrirjen e borës mund të shkaktojnë rritjen e nivelit të ujin nëpër lumenjëve. Erëra të fuqishme priten nesër edhe njëherë në Kosovë sidomos në perëndim dhe veri të vendit ku herë pas here mund të fryjë deri në 70 km./h. në ndonjë rajon./Meteoballkan