Fillon depërtimi serioz i masave ajrore të ftohta nga veriu i Kontinentit. Kjo vjen si pasojë e depërtimit të erërave të ftohta veriperëndimore të cilat vende-vende do të sjellin edhe reshje të izoluara dhe të dobëta bore.
Nesër në Kosovë do të mbajë mot me vranësira dhe intervale kohore me diell. Herë pas here vranësirat mund të marin karakter zhvillimi dhe të kushtëzojnë reshje lokale dhe të rralla bore.
Në Shqipëri, Mal të Zi dhe Maqedoni nesër mot më i ftohtë dhe me vranësira kalimtare por edhe me intervale kohore me diell. Reshje atmosferike nuk do të ketë, me ndonjë përjashtim të vogël ku kryesisht në viset malore priten reshje të dobëta bore.
Edhe të Mërkurën do të kemi mot të ngjashëm sikur të Martënm pra, do të jetë ftohtë me erëra të dobëta por të ftohta veriore dhe nuk pritet të kemi reshje atmosferike.
Të Enjten nga Mesdheu na vjen një vorbullë e re ciklonike e cila do të na sjell reshje bore shumicës së territorit të Shqipërisë dhe Maqedonisë por edhe Kosovës. Në viset e ulëta dhe bregdetare në Shqipëri priten kryesisht reshje shiu. Sipas ecurive aktuale reshje herë pas here të dendura bore priten në juglindje, lindje dhe verilindje të Shqipërisë dhe perëndim të Maqedonisë, megjithatë edhe kjo do të kalojë mjaft shpejt, por në shumë pjesë të Shqipërise lindore, juglindore dhe verilindore priten edhe shtresa dekorative bore. Të Premtën stabilizim i motit. Informacione tjera sapo të kemi ndonjë gjë interesante./Meteoballkan.
