Për shkak të depërtimit të masës së ftohtë ajrore polare në rajonin tonë dhe për shkak të kthjellimit të motit që ka ndodhur gjatë ditës së sotme dhe po vazhdon ende, gjatë natës ekziston potencial real për acar në viset kontinentale të rajonit tonë.
Temperaturat minimale në Kosovë pritet të ulen afërsisht deri në -4 apo -5 gradë Celsius dhe kjo nuk do të jetë fare mirë për vegjetacionin në disa rajone dhe ky rrezik shtohet edhe më shumë nga mungesa e erërave.
Të shpresojmë që të ketë dëme sa më të pakta te pemët dhe kulturat tjera bujqësore.
Nesër pasdite pritet të ketë shtim të vranësirave të cilat mund të ndikojnë pozitivisht në pengimin e paraqitjes së ngricave gjatë netëve tjera./Meteoballkan
