Sot gjatë ditës kemi hyrë nën ndikimin e rrymave ajrore pak më të nxehta jugore. Këto rryma ajrore na vijnë nga Mesdheu dhe Afrika Veriore, megjithatë gjatë natës përsëri pritet ulja e temperaturave, edhe pse acari nuk do të jetë shumë i fortë.
Në këto momente dhe nesër do të jemi nën ndikimin e masave ajrore të thata dhe relativisht të nxehta anticiklonike me qendër në Afrikën Veriore, gjegjësisht në Libi dhe Egjipt. Megjithatë ajri i ftohtë Siberik ka “shtruar rrënjë” dhe nuk do të jetë aq e lehtë tërheqja e tij. Nga e Premta në drejtim të rajonit tonë do të fillojnë të depërtojnë masa ajrore jostabile nga Mesdheu të cilat do të gjenerojnë reshje atmosferike, shi nëpër ultësira dhe borë në viset malore. Reshje më të dendura priten në territorin e Shqipërisë, gjegjësisht në veriperëndim dhe jug të vendit. Reshje më të dobëta dhe të herëpashershme në formë shiu dhe bore priten në Kosovë dhe Maqedoni, kurse reshje të fuqishme priten në jug dhe perëndim të Malit të Zi.
Java e ardhshme do të jetë jashtëzakonisht dinamike dhe me reshje të shpeshta shiu dhe bore, por për këtë detaje tjera në postimet tona të ardhshme.
Në foto keni temperaturat të cilat priten sonte gjatë natës sipas modelit GFS.
