Moti do të destabilizohet prapë sonte në rajonin tonë ku do të kalojnë masa mjaft jostabile ajrore të cilat do të kushtëzojnë reshje shiu, vende-vende rrebeshe me vetëtima dhe bubullimë, kurse lokalisht mund të ketë edhe shtrëngata.
Kujdes të veçant gjatë natës duhet të kenë banorët e Shqipërisë perëndimore dhe jugperëndimore, jugore si dhe pjesë të qendrës ku gjatë natës ekziston potencial për stuhi të fuqishme me vetëtima dhe bubullimë. Reshje shiu dhe rrebeshe do të ketë edhe në Kosovë, vende -vende intensive por nuk pritet asgjë ekstreme.
Shqipëria përsëri do të goditet nga stuhi të fuqishme dhe sipas modeleve energjia kryesore do të shkojë në drejtim të perëndimit, jugperëndimit, jugut dhe pjesë qendrës se vendit, por kjo nuk do të thotë se nuk do të preken edhe viset tjera, megjithatë më pak./Meteoballkan
