Në Kosovë sonte gjatë natës priten reshje shiu dhe bore të cilat më të dendura do të jenë në lindje dhe juglindje, kurse më pak reshje priten në Rafshin e Dukagjinit. Herë pas here mund të ketë reshje të dendura shiu, por me uljen e temperaturave ato mund të shndërrohen në reshje të dendura bore. Reshjet eventuale të borës do të jenë dekorative dhe jo të qëndrueshme. Reshjet do të ndërpritën në orët e hershme të mëngjesit apo nesër herët paradite.
Reshje të dendura atmosferike priten edhe në Maqedoni dhe Shqipërinë jugore, juglindore dhe lindore. Nëpër ultësira shi, kurse në viset më të larta malore borë.
Nesër në tërë rajonin tonë do të bajë mot kryesisht i vranët, në mëngjes me mundësi për reshje bore, kurse gjatë ditës kryesisht thatë. Pasdite në Shqipëri nga bregdeti priten reshje të reja shiu, të cilat gjatë natës do të vijnë duke u përhapur dhe intensifikuar, ku në juglindje, lindje dhe veri të vendit (viset kodrinore-malore) përsëri priten reshje të dendura bore. Në viset tjera reshje të dendura shiu. Në Kosovë reshje të lehta, të përziera dhe lokale. Mot relativsht i ftohtë dhe me reshje lokale pritet edhe të Enjtën, kurse nga e Premta priten ngritje të ndjeshme të temperaturave dhe erëra të nxehta jugore./Meteoballkan.
