Sot në Kosovë do të mbajë mot i vranët dhe me reshje të herëpashershme dhe lokale bore. Do të kemi erëra mesatarisht të fuqishme por mjaft të ftohta nga ana e veriut. Temperaturat do të shënojnë ulje të theksuar.
Në Shqipëri do të kemi ndërprerje të të reshurave atmosferike por do të kemi gjithashtu depërtimin e masave ajrore të ftohta nga veriu dhe kështu temperaturat do të shënojnë ulje. Do të ketë erëra mesatare ndërsa në verilindje të vendit erërat mund të jenë mjaft të fuqishme nga ana e verilindjes. Reshje të pakta shiu mund të ketë vetëm në jug ndërsa reshje të dobëta bore në verilindje të vendit.
Në Maqedoni sot mot i ndryshueshëm dhe më i ftohtë me reshje të herëpashershme shiu dhe bore. Reshjet do të jenë të intensitetit të dobët, kurse në shumë rajone nuk do të ketë reshje fare.
Nga dita e entje rajoni ynë do të përfshihet nga masat ajrore mjaft të ftohta me origjinë polare të cilat do të qëndrojnë dy ose tre ditë. Gjatë netëve nëse do të jetë kthjellët temperaturat do të jenë mjaft të ulëta kurse ka mundësi që të ketë edhe mjegull. Pra nga e Enjta priten ngricat e para serioze të këtij dimri në të cilin po hymë. Njëkohësisht do të jemi nën ndikimin e masave ajrore të fuqishme anticiklonike të cilat do të na sjellin mot pa të reshura atmosferike. Meteoballkan.com
