Sot në Kosovë do të mbajë mot me vranësira kalimtare dhe ndonjë interval kohor me diell, do të vazhdojë të jetë ende relativisht nxehtë, kurse ngjashëm do të jetë edhe në Maqedoni. Kohe pas kohe nuk përjashtohet mundësia për riga apo rrebeshe lokale shiu sidomos pasdite.
Në Shqipëri mot i ndryshueshëm ku vende-vende do të ketë edhe rrebeshe shiu me vetëtima dhe bubullimë.
Të Martën në Adriatikun jugor do të kemi zhvillimin e një vorbulle të re ciklonike e cila do të shkaktojë intensifikimin e reshjeve të shiut në Shqipëri, Kosovë dhe Maqedoni. Gjatë natës në të mërkurën erërat veriore do të fuqizohen dhe kështu në Kosovë shiu do të kalojë ne borë. Vende-vende në Kosovë priten reshje të dendura bore herë pas here.
Të mërkurën ditë dimërore me temperatura të ulëta dhe reshje të herëpashershme bore në Kosovë kurse më pak reshje bore në Maqedoni dhe Shqipëri./Meteoballkan.
