Në tri ditët e ardhshme një tjetër valë e të ftohtit po vjen në Evropë dhe modelet tregojnë se mund të kemi borën e parë të bollshme për këtë sezonë.
Fronti i ardhshëm i ftohtë do të sjellë borën e parë të bollshme të sezonit në Alpe, njofton MeteoBallkan.
Modelet tregojnë deri në 50 cm borë në lartësi të larta. Priten reshje bore në pjesën veriperëndimore, veriore dhe qendrore të Alpeve.
Fronti i ftohtë nga veriu ka kapur tashmë Alpet, majat e larta të të cilave pritet të zbardhen nga bora.
Borë pritet të bie sot në Slloveni, por vetëm në lartësi mbi 2.000 metra mbi nivelin e detit.
Ky i ftohtë do të ndihet edhe në Britani, Francë dhe në vendet e Beneluksit gjersa nesër pritet të jetë “shumë e ftohtë” në jug të Francës dhe në perëndim të Mediteranit.
Vala e dytë e të ftohtit vjen pas të mërkurës dhe do të kapë Europën Lindore dhe Ballkanin. /MeteoBallkan
Burimi: Severe Weather Europe
