Jo shumë larg territorit të Republikës së Kosovës në Serbi sot ishin mjaft aktive disa stuhi të izoluara shiu me vetëtima dhe bubullimë, por larg territoreve tona. ndërkohë që linja instabiliteteve atmosferike është shtrirë sot që nga Italia veriore, Sllovenia, Kroacia, Bosnja dhe Hercegovina, Serbia dhe Bullgaria deri në Detin e Zi.
Këto stuhi janë lokalisht mjaft të dëmshme dhe të fuqishme, ndërsa anticikloni stabil mbanë këto stuhi larg Shqipërisë dhe Kosovës.
Të dielën në tërë rajonin do të ketë një përmirësim të motit, por në Kosovë pasdite pritet destabilizim i atmosferës, me rrebeshe lokale shiu me vetëtima dhe bubullimë dhe ulje të përkohshme të temperaturave, pra më në fund do të kemi depërtimin e një fronti më në jug të rajonit.
Ndonjë zhvillim mund të ketë edhe në Maqedoninë Veriore, por në Shqipëri mbetet shumë nxehtë dhe me diell.
Nga e hëna deri të mërkurën na pret vapë e fortë verore. Të mërkurën do të kemi fuqizim në parametrin e erës, fillimisht priten erëra të nxehta nga jugu dhe jugperëndimi, pastaj me depërtimin e frontit më në fund do të kemi erëra të freskëta nga veriu dhe veriperëndimi që do të largojë vapën afrikane nga Kosova përkohësisht./METEOBALLKAN
