Shira të rrëmbyeshëm po bien në Slloveni dhe po shkaktojnë probleme të mëdha. Zonat nga Gorishka Brda në Tolmin janë veçanërisht të prekura. Më shumë se 100 mm reshje ranë në këtë zonë në 12 orë.
Për shkak të sasisë së madhe të shiut, disa rrugë në Primorskën veriore janë përmbytur dhe janë shkaktuar rrëshqitje të shumta dheu. Komunat në këtë pjesë të Sllovenisë po u bëjnë thirrje banorëve të qëndrojnë në shtëpi. Disa vende aktualisht janë pa energji elektrike, pasi një rrëshqitje dheu ka rrëmbyer një shtyllë betoni të linjës së energjisë elektrike.
Ujërat e rrëmbyeshëm dhe të shiut depërtuan në ndërtesa të shumta. Zjarrfikësit dhe mbrojtja civile ndërhynë rreth 15 herë. U regjistruan edhe disa rrëshqitje të vogla toke, shkruan N1 Slovenia.
Sipas qendrës së informacionit të trafikut, disa rrugë janë të mbyllura, ndërsa trafiku po lëviz në drejtime alternative. Përveç kësaj, një urë është shkatërruar.
