Fronti i fuqishëm i ftohtë ajror ka përfshirë pjesë të Sllovenisë dhe Kroacisë në këto çaste, ndërsa pritet të krijohet edhe një ciklon në Detin Adriatik. Për këtë arsye atmosfera do të “përshkallëzohet” me stuhi të fuqishme shiu me vetëtima dhe bubullimë. Në disa vise priten reshje shumë intensive dhe priten vërshime, ndërsa në Detin Adriatik parashihen edhe tornado uji.
Ky front i ftohtë dhe cikloni vjen pas një periudhë shumë të gjatë të thatësires ekstreme sidomos në territoret tona.
Fronti në territoret tona arrin të dielen duke shkaktuar destabilizim të fuqishëm të motit edhe këtu. Parashihen reshje intensive, lokale dhe stuhi e shtrëngata po ashtu të fuqishme lokale edhe në territoret tona.
Ky front dhe cikloni i shtresave të larta do të përfshijë gati tërë Ballkanin duke prekur Slloveninë sonte e deri në Maqedoninë Veriore të dielën vonë dhe të hënën, ndërsa pas të hënës do të “zbarkojë” në Greqi ku edhe atje do të ketë përkeqësim dramatik të motit./METEOBALLKAN
