Pesë kamionë dhe 37 makina janë përplasur sot në Hungari në autostradën M1 pranë Herceghalom, në rrethin e Pestit, ku dhjetëra persona janë lënduar, disa prej tyre në rrezik për jetën, njoftoi policia në Budapest.
Aksidenti ka ndodhur sot rreth orës 14:25 në kilometrin e 26-të të rrugës M1, në korsinë që shpie nga kryeqyteti hungarez, njofton MTI.
#Breaking: Burned cars, crushed cars and hours of waiting on the highway in Hungary. #News247WorldPress #Live #Hungary pic.twitter.com/HTDg7W4lov
— RobertWilliams News247WP (@RWNews247WP) March 11, 2023
19 automjete kanë marrë flakë dhe 26 persona kanë mbetur të plagosur, gjashtë me lëndime të rrezikshme për jetën dhe shtatë me lëndime të rënda.
Zjarrfikësit nga disa lokalitete iu bashkuan forcave të Budapestit dhe anëtarëve të departamentit të urgjencës në vendngjarje, së bashku me katër helikopterë të shpëtimit.
Shkak i aksidentit raportohet të jetë stuhia e pluhurit e ndodhur në autostradë në momentin e përplasjes, e cila do të kishte ulur ndjeshëm dukshmërinë.
