Shirat e mëdha dhe stuhitë shkatërruese në Italisë kanë marrë disa jetë njerëzish duke çuar numrin e përgjithshëm në 17 të vdekur. Një turist gjerman vdiq të premten, kur u godit nga rrufeja në ishullin e Sardenjës ndërsa një person tjetër i goditur nga rrufeja disa ditë më parë vdiq në spital, tha të shtunën Agjencia e Mbrojtjes Civile e Italisë.
Një zëdhënëse tha se 17 vdekje në lidhje me motin e rëndë janë raportuar deri tani në Agjenci. Shumë nga viktimat deri më sot kanë humbur jetën nga pemët në rënie. Coldiretti, shoqata e kompanive bujqësore italiane, tha në një deklaratë se erërat e fuqishme kishin shkatërruar rreth 14 milionë pemë, shumica në pjesën veriore, shkruan Reuters, njofton MeteoBallkan.
Fushat në verilindje në Sicili dhe në jugperëndim janë prekur nga stuhitë, me dëmin më të madh në rajonet veriore të Trentonit dhe Venetos – rajonit rreth Venedikut – ku fshatrat dhe rrugët janë bllokuar nga rrëshqitjet e tokës.
Shumë nga sheshet e Venecias janë zhytur në përmbytjet më të mëdha që ky qytet ka parë në një dekadë. Guvernatori i Venetos, Luca Zaia, tha se dëmi nga stuhitë ka arritur një miliardë euro (1.1 miliardë dollarë). Angelo Borrelli, kreu i agjencisë për Mbrojtjen Civile, tha se Veneto kishte përjetuar erëra deri në 180 kph (112 mph) dhe se situata ishte “apokaliptike”. Zëvendëskryeministri Matteo Salvini do të vizitojë rajonin të dielën. /MeteoBallkan
Burimi: reuters.com
